狼队大盘冇甩拖
葡兵撑腰火力勐周五凌晨有多场欧霸附加赛首回合激战上演,其中拖连奴将会主场强战狼队。上季重返英超随即勇夺欧霸资格嘅狼队,靠阵中多位高质外籍兵打天下,战力强劲,面对火力同样唔曳嘅意甲劲旅拖连奴,两军势演对攻战,入球大咪错过。(周五凌晨3时开赛)由葡萄牙领队纽奴挂帅嘅狼队,继前季以英冠盟主身份重返顶级联赛之后,上季更进一步喺群雄割据嘅英超杀出一条血路,以联赛第7名抢得欧霸入场券,强势没法挡!狼队出晒名靠外籍兵撑起一片天,尤其以葡国兵当道,除欧国盃夺冠功臣摩天奴同门将鲁尔柏迪斯奥之外,中场鲁宾尼维斯同前锋迪亚高祖达两位新星都係狼队主力,葡国影响力相当明显。拖连奴箭头脚风顺赛前亦有一段小插曲,原来今场执法嘅球证团队全部来自葡萄牙,计落狼队随时有着数,唔怪得拖连奴球迷赛前大呼赛会安排不公,仲将矛头指向同狼队关係密切嘅超级经理人佐治文迪斯,话佢同赛会喺背后互相勾结搞搞震,究竟球证有冇偏袒?真係要睇过先知。无论如何,首次杀入转制后嘅欧霸嘅狼队今届4仗赢晒,至今已经轰入14球,其中3次更开出总入球4球或以上,可以话係来势汹汹。不过,「公牛」拖连奴整体实力绝对唔输蚀,阵中有比洛迪同施蒙尼沙萨两大神锋肩负进攻重责,后者今届4场欧霸个人斩获3球,脚风奇顺,今场有力带领拖连奴同狼队斗攻,一于捧入球大。武磊助阵撑爱斯宾奴同时间开波仲有爱斯宾奴主场斗乌克兰球队索尔亚,爱斯宾奴今届欧霸一路高歌勐进,近4仗欧霸全胜,而且每场都赢对手2球或以上,包括第3圈次回合3比0大挫卢塞恩,中国前锋武磊仲喺该仗射入首个欧霸入波,表现认真争气,由佢搭住新加盟嘅阿根廷中场马迪亚斯华加斯,爱斯宾奴挟主场地利有望再下一城,让球主胜值博。(周五凌晨3时开赛)

发表评论

电子邮件地址不会被公开。 必填项已用*标注